नेकपा एमालेको दशौँ राष्ट्रिय महाधिवेशनको उद्घाटन सत्रमा बोल्दै नेकपा माओवादी केन्द्रका स्थायी सदस्य लिलामणि पोखरेलले पार्टी पुनः एक भएर अघि जाने आशा व्यक्त गरेका छन् ।
माओवादी केन्द्रका तर्फबाट प्रतिनिधित्व गरेका पोखरेलले अन्तरविरोधहरू स्थायी नहुने भन्दै एकता, द्वन्द्व र रुपान्तरण हुँदै जाने बताए ।
‘अन्तरविरोधहरू स्थीर हुँदैनन् । सामाजिक परिवेश हरू बदलिन्छन् । एकता द्वन्द्व र रुपान्तरण हुने गर्छ । द्वन्द्वबिना विकास सम्भव छैन । हाम्रा बीचमा पनि यही नियम लागू भएका थिए । केही काल हामी पार्टी एकता गरेर एकै रह्यौं । केही भिन्नताका कारण हामी अलग भएका छौं,’ पोखरेलले भने ।
उनले एमालेको दशौँ महाधिवेशनले कम्युनिस्ट आन्दोलनलाई नयाँ दिशा दिन महत्त्वपूर्ण भूमिका खेल्न आग्रहसमेत गरे ।