काठमाडौँ । नेकपा एमालेका अध्यक्ष केपी शर्मा ओलीले एमाले क्रान्तिकारी पार्टी भएको बताएका छन् ।
शुक्रबार चितवनमा भएको पार्टीको १० औं महाधिवेशनमा बोल्दै नेता ओलीले यस्तो बताएका हुन् ।
उनले देउवाले आफ्नो निम्तो स्वीकारेको भन्दै नेपाली काँग्रेसका सभापति शेरबहादुर देउवालाई धन्यवादसमेत दिए । ‘नेपाली काँग्रेसको तर्फबाट देउवाले शुभकामना दिनुभएको छ, उहाँलाई धन्यवाद भन्न चाहन्छु ।’ उनले भने ।
उनले आफ्नो पार्टीले बलिदान र संघर्षको ७२ वर्ष पार गरेको बताए । कार्यक्रममा बोल्दै उनले भने, ‘ हामीले बलिदानको ७२ वर्ष पार गर्यौं, समाज परिवर्तनका लागि नेकपा एमालेको धेरै भूमिका छ, एमाले क्रान्तिकारी परिवर्तन गर्ने पार्टी हो ।’
प्रतिक्रिया दिनुहोस्
