नेकपा एमालेका अध्यक्ष केपी शर्मा ओलीले प्रस्ताव गरेको नयाँ केन्द्रीय कमिटीमा असहमति भएका पदमा चुनाव हुने भएकाे छ । मुख्यत: भीम रावलले अध्यक्ष र घनश्याम भुसालले आन्तरिक प्रतिस्पर्धा गर्ने अडान राखेपछि निर्वाचन हुने भएकाे हाे ।
केन्द्रीय निर्वाचन आयोगले एमालेको दसौँ राष्ट्रिय महाधिवेशनका लागि निर्वाचनको कार्यक्रमको सूचना प्रकाशित गरेको छ । प्रकाशित कार्यतालिका अनुसार राति ११ः३० देखि १२ः३० बजेसम्म उम्मेद्वारी दर्ताका लागि समय दिइएको छ।
राति १ बजेसम्म उम्मेदवारको नामावली प्रकाशन गर्ने कार्यक्रम तय भएको छ । उम्मेदवारको नाम फिर्ताका लागि राति ०१ः३० देखि २ बजेसम्मको समय तोकिएको छ भने उम्मेदवारको अन्तिम नामावली प्रकाशन राति 0२ः१० मा ताेकिएकाे छ । असहमति भएका पदमा मतदान भने सोमबार बिहान ९ बजेदेखि अपरान्ह ४ बजेसम्म तोकिएको छ ।