नेकपा एमालेमा उपमहासचिव घनश्याम भुसालले उपाध्यक्षमा उम्मेदवारी दिएका छन् । चितवनस्थित सौराहामा जारी दशौँ महाधिवेशनमा भुसालले उपाध्यक्षमा उम्मेदवारी दिएका हुन् ।
उम्मेदवारी दिएपछि भुसालले सञ्चारकर्मीसँग भने, ‘अध्यक्षलाई नेतृत्व चयन गर्न दिनु गल्ती थियो । अध्यक्षले पढेको त्यो लिस्ट अन्तिम हो । नेपालका कुनै पनि कम्युनिस्ट पार्टीका अध्यक्षले त्यसरी लिस्ट पढ्ने छैनन् ।’
उनले एमालेको सिद्धान्त तय गर्न आफूले नेतृत्व गरेको बताए । ‘मैले बैठकमा पनि भनेको छु, अध्यक्षलाई पनि भनेको छु, सिद्धान्त निर्माणको नेतृत्व मैले गरेको हुँ ।’
आइतवार राति अध्यक्ष केपी शर्मा ओलीले प्रस्ताव गरेको पार्टी पदाधिकारीको सूचीमा भुसाल अटाएका थिएनन् ।
प्रतिक्रिया दिनुहोस्
