काठमाडौँ । नेकपा एमालेका नेता महेश बस्नेतले आफू एमालेको नेतृत्वको टिममा नपरेकोमा टिप्पणी गरेका छन् ।
उनले अध्यक्ष केपी शर्मा ओलीसंग सचिव पदका लागि बार्गेनिङ गरेका थिए । तर एमालेमा सर्वसम्मत नभएका कारण उनी सचिवमा अटाउन सकेनन् ।
उनले अस्ति महाधिवेशनस्थलमै केपी ओली बसेको होटलमा गएर समेत आफूलाई सचिव बनाउने विषयमा छलफल गरेका थिए । त्यसपछि ओलीले अहिल्यै सचिव बन्ने बेला नभएको भन्दै पठाएका थिए ।
उनले आफू सचिव भएको भए पार्टी अल्ली धेरै गतिमा दौडिने प्रतिक्रिया दिएका छन् । उनले भने, ‘म सचिव भएको भए पार्टी अलि छिटो गतिमा दौडिने थियो । अब अलि कम हुन सक्छ ।’