काठमाडौँ । नेकपा विवादपछि पुष्पकमल दाहाल नेतृत्वको समूहलाई छाडेर एमालेमा प्रवेश गरेका पूर्वमाओवादी नेताहरु आफूहरुले रोजेको पदमा निर्वाचित हुन सफल भएका छन् ।
२०७७ फागुन २३ गते नेकपा खारेजीमा परेपछि २०७५ जेठ २ अघिको अवस्थामा दुवै दल ब्यूँतिएका थिए।
सौराहामा चलिरहेको नेकपा एमालेको दश औं महाधिवेशनमा उपाध्यक्षमा रामबहादुर थापा बादल निर्वाचित भएका छन् । त्यस्तै एमाले सचिवमा लेखराज भट्ट र टोपबहादुर रायमाझी निर्वाचित भएका छन् ।
उनीहरुले चुनावमा हारे उनीहरुको राजनीतिक जीवनमा थोरै ब्रेक लाग्ने चर्चा भइरहेको थियो । तर उनीहरुले उम्मेदवारी दिएको पदमा उनीहरुको बर्चस्व रहन पुग्यो ।
एमालेमै रहेर उपाध्यक्षमा उम्मेदवारी दिएका लोकप्रिय नेता घनश्याम भूसालले भने हार व्यहोर्नुपर्यो ।
यसले एमाले कार्यकर्ताहरुको क्रेज एमालेमा रहेका नेतामा भन्दा पनि पूर्वमाओवादी नेताहरुप्रति बढी रहेको देख्न सकिन्छ ।
