८१ वर्षकी पेन्सनधारी एक महिला आइरिस जोन्स र ३६ सालका एक युवा मोहम्मद इब्राहिमको लव स्टोरीले यतिबेला अन्तर्राष्ट्रिय सञ्चारमाध्यमको ध्यान खिचेको छ ।
यो जोडीले बिहे गरिसकेको छ । अन्तर्वार्ताका लागि सबैभन्दा पहिला बेलायती टिभी चियानल आइटिभीको प्रख्यात शो दिस मर्निङमा जमेर कुराकानी गरेका छन् ।
इजिप्टका मोहम्मद आफ्नी पत्नी आइरिसबाट अलग थिए । जब उनलाई बेलायतको भिजा मिल्यो तब उनी बेलायत आएर आइरिससँग बस्न थालेका हुन् ।
आइरिसले भनिन्, ‘लक-डाउनका कारण मेरो पति मोहम्मदलाई भिजा मिलिरहेको थिएन । त्यतिबेला मलाई निकै अप्ठेरो लाग्यो । हामी फोनमा कुरा गर्थ्यौं तर त्यो पर्याप्त थिएन ।’
उनीहरूले उमेरको फरकका कारण मान्छेहरूले आलोचना गर्ने गरेको शोमा बताए । उनीहरूबीच करीब ४५ वर्षको अन्तर छ । ‘आलोचनाका कारण हामीले दबाबको महसुस गर्छौं,’ आइरिसले भनिन् ।
मोहम्मदसँग आफ्नो यौन जीवन राम्रो चलिरहेको उनले शोमा बताइन् । ‘मोहम्मदले राम्रो लव मेकिङ गर्छ,’ उनले भनिन्, ‘मलाई उ निकै ह्याण्डसम लाग्छ । हाम्रो प्रेम टीन एजजस्तै छ । बिस्तारामा उसले राम्रो प्रदर्शन गर्छ ।’
मोहम्मदले पैसाका लागि आफूले बिहे नगरेको बताए । ‘मलाई थाहा छ कि मान्छेहरूले उमेरको फरक देखेर यस्तै यस्तै सोच्ने गर्छन्,’ उनीहरूले भने, ‘तर हामी हाम्रो खर्च आधा आधा सेयर गर्छौं ।’
