काठमाडौँ । सत्तारुढ दल नेपाली काँग्रेसले आज केन्द्रीय कमिटीको बैठक बोलाएको छ । पार्टीका मुख्यसचिव कृष्णप्रसाद पौडेलका अनुसार आज ११ बजे केन्द्रीय कमिटीको बैठक बस्दैछ ।
आजको बैठकमा यही मंसिर २४ देखि २७ गतेसम्म काठमाडौंमा हुने १४ औं महाधिवेशनको तयारीका विषयमा छलफल हुनेछ ।
स्रोतका अनुसार आजको बैठकमा खुलातर्फ दुई जना सहमहामन्त्री थप्ने तयारी छ । काँग्रेस सभापति शेरबहादुर देउवा र महामन्त्री शशांक कोइरालाबीच सोही पद थप्ने तयारी भएको पनि बुझिएको छ ।
बैठक पार्टी कार्यालय सानेपामा बस्ने छ । बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित केन्द्रीय सदस्यहरुको उपस्थिति रहेन छ ।
२४ गतेबाट महाधिवेशन गर्न लागेको कांग्रेसले त्यसअघि अन्तिम बैठक बोलाएको हो ।