नेपाली कांग्रेसको १४औं महाधिवेशनअन्तर्गत महामन्त्री पदको जारी मतगणनामा गगन थापाले नै अग्रता लिएका छन् । बिहीबार पार्टी कार्यालय सानेपामा विहान साढे १० बजेदेखि सुरु भएको मतगणनामा ३ सय मत गन्दा थापाले २ सय मत ल्याएर अग्रता कायम गरेका हुन् ।
त्यस्तै दोस्रो नम्बरमा प्रदिप पौडेलले ११० मत ल्याएका छन् । विश्व प्रकाश शर्माले १०४, प्रकाशशरण महतले ९१, मीनेन्द्र रिजालले ५५, राजाराम कार्कीले ५ मत ल्याएका छन् ।
महामन्त्रीका लागि सभापति शेरबहादुर देउवा प्यानलबाट प्रकाशशरण महत र प्रदीप पौडेल तथा शेखर कोइराला प्यानलबाट गगन थापा र मिनेन्द्र रिजाल प्रतिस्पर्धामा रहेका छन् । त्यस्तै प्रकाशमान सिंह प्यानलबाट विश्वप्रकाश शर्मा उम्मेदवार रहँदा डा राजाराम कार्कीले स्वतन्त्र उम्मेदवारी दिएका छन् ।
प्रतिक्रिया दिनुहोस्
