नेपाली कांग्रेसको महामन्त्रीको मतगणना जारी रहेको छ । नेपाली कांग्रेसको १४ औं राष्ट्रिय महाधिवेशन अन्तर्गत महामन्त्री पदको मतगणनामा थापाले फराकिलो अग्रता कायम राखेका छन् ।
अहिलेसम्म ४३९० मत गन्दा थापाले २८२३ मत पाएका छन् । विश्व प्रकाश शर्मा १८२४, प्रदिप पौडेल १३०३, प्रकाश शरण महत १४५५, मिनेन्द्र रिजाल ७५३ र राजाराम कार्कीले १०० मत प्राप्त गरेका छन् ।
दुई महामन्त्री चयन गर्नुपर्ने भएकाले एउटा मतपत्रमा दुईवटासम्म मत दिन पाउने व्यवस्था छ ।
कांग्रेस मुख्यालय सानेपामा ३ स्थानमा मतगणना भइरहेको छ । सभापति र उपसभापति पदको मतगणना भने यसअघि नै सकिएको छ ।
सभापतिमा शेरबहादुर देउवा विजयी भएका छन् भने उपसभापतिमा पूर्णबहादुर खड्का र धनराज गुरुङले जीत हात पारेका छन् । खड्का देउवा र गुरुङ डा।शेखर कोइराला प्यानलका हुन् ।
प्रतिक्रिया दिनुहोस्
