काठमाडौंको प्रदर्शनीमार्गस्थित आरआर क्याम्पसका विद्यार्थीले शिक्षकलाई कुटेका छन् ।
स्नातक तहको आन्तरिक परीक्षा दिइरहेका छात्रले सो कलेजका शिक्षक प्रकाश पुडासैनीलाई कुटपिट गरेका हुन् ।
त्यसपछि क्याम्पस प्रमुखले सबै शिक्षक र विद्यार्थीलाई एकै ठाउँमा राखेर छलफल गरे । तर छलफलमै सोही विद्यार्थीले फेरी शिक्षकलाई प्रहार गरेर ट्वाइलेटबाट फरार भए ।
रत्न राज्य क्याम्पसका आंशिक प्राध्यापक पुडासैनीले स्नातक तहमा ब्याचलर इन सोसल वर्क पढाउँछन् । आक्रमण गर्ने जेठारा रत्नराज्य क्याम्पसको अनेरास्ववियूमा आवद्ध विद्यार्थी हुन् ।
घटनापछि सो क्याम्पसका शिक्षकहरुले विद्यार्थीलाई कारबाही नगरेसम्म आफूहरु काममा नफर्कने भन्दै विज्ञप्ति निकालेका छन् ।
ब्याचलर इन सोसल वर्क (बिएसडब्ल्यु) पढाउँदै आएका पुडासैनीको टाउकोमा चोट लागेको छ । उनलाई बागबजारस्थित काठमाडौं मोडल अस्पतालमा उपचारका लागि भर्ना गर्न गरिएको छ ।
उनीमाथि आक्रमण गर्ने विद्यार्थी फरार छन् ।
