सर्वोच्च अदालतकी न्यायाधीश मीरा खड्काले आफ्नो जन्ममितिबारे विवाद उत्पन्न भएपछि स्पष्टीकरण दिएकी छन् । उनले सोमबार विज्ञप्ति जारी गर्दै आफूले एउटा मात्र नागरिकता लिएको र आफ्नो जन्ममिति २०१४र२र२ नै रहेकोमा कुनै हेरफेर नभएको भन्दै स्पष्टिकरण दिएकी हुन् ।
न्यायाधीश खड्काले २८ माघ २०३३ मा जिल्ला प्रशासन कार्यालयबाट लिएको नागरिकतामा उमेर १९ वर्ष भएपनि सम्पूर्ण शैक्षिक प्रमाणपत्र तथा अरु कागजातमा जम्ममिति २०१४र२र२ नै कायम रहेको उल्लेख गरेकी छन् ।
यद्यपि न्याय परिषद् बुलेटिन प्रकाशित गर्ने क्रममा केही वर्ष त्रुटिबस आफ्नो जन्ममिति २०१३र१०र२८ उल्लेख भएको र परिषद्ले नै त्यो त्रुटि सच्याएको उनले बताएकी छन् । न्यायाधीश खड्काले विज्ञप्तिमा भनेकी छन्, ‘परिषद् आफैंले त्रुटि सच्याई २०७१ देखि २०७८ साल पौष ३ गतेसम्म प्रकाशित न्याय परिषद् बुलेटिनहरुमा मेरो वास्तविक जन्ममिति २०१४र२र२ भनी उल्लेख गरिएकाले मेरो जन्ममिति सम्बन्धमा कुनै प्रकारको संशय वा भ्रम रहनु पर्ने कारण छैन ।’
न्याय परिषद्ले त्रुटिवश आफ्नो वैयक्तिक विवरण फरक लेखिँदा आफ्नो वैयक्तिक चरित्रमा प्रश्न उठाउनु उचित नभएको न्यायाधीश खड्काले बताएकी छन् ।
न्याय परिषदमा राखिएको आफ्नो शैक्षिक प्रमाणपत्रहरुमा आफ्नो जन्ममितिको पूर्ण र यथार्थ विवरण रहेको भन्दै उनले आफ्नो वक्तव्यमा भनेकी छन्, ‘मैले जन्ममिति सच्याउनुपर्ने कुनै कारण छैन र सच्याएको पनि छैन ।’
