काठमाडौँ । नेकपा माओवादी केन्द्रका अध्यक्ष प्रचण्डले आठौं महाधिवेशनका लागि हिजोदेखि सुरु भएको राजनीतिक प्रतिवेदनमा छलफल चलिरहेको छ ।
केही समूहका नेताहरुले छलफल सकिसकेका छन् भने केही समूहले छलफल जारी राखेका छन् । अहिलेसम्म २५ मध्ये अधिकांश समूहको छलफल सकिएको र बाँकी समूहलाई छलफलका लागि भोलिसम्मका लागि समय दिइएको छ ।
सोमबार पार्टी अध्यक्ष प्रचण्डले ‘२१ औं शताब्दीको समाजवादको नेपाली बाटो’ शीर्षकको वैचारिक तथा राजनीतिक दस्तावेज पेश गरेका थिए । यस्तै स्थायी कमिटी सदस्य देवप्रसाद गुरुङले विधान मस्यौदा पनि प्रस्तुत गरेका थिए ।