परिवर्तन नेपालको सक्रियतामा गठित नेपाली संस्कृति बचाऔं राष्ट्रिय महाअभियानको प्रतिनीधि मण्डलले आज बिहिबार प्रधानमन्त्री शेरबहादुर देउवालाई भेट गरेको छ । प्रतिनीधि मण्डलले देशमा बढदै गैरहेको सांस्कृतिक अतिक्रमण र बिकृतीबारे जानकारी गराउदै देशका पुरातात्विक सम्पदा एवं संकृतिलाई संरक्षणसम्वर्धन गर्न राज्यले पहल गर्नुपर्ने माग राख्दै प्रधानमन्त्री देउवासँग भेट गरेको हो ।
परिवर्तन नेपालले कुनै पनि देशको सभ्यता र संस्कृतिसँग देशको पहिचान जोडिने हुनाले देशको अस्तित्व र गरिमालाई अक्षुण्य राख्नका लागि संस्कृति जीवन्त रहनु पर्ने भन्दै ‘नेपाली संस्कृति बचाऔं राष्ट्रिय महाअभियान– २०७८’ को अभियान चलाएको कार्यक्रमका संयोजक एवं वरिष्ठ लेखक निर्देशक मोहन निरौलाले जानकारी दिए ।
प्रधानमन्त्रीसँगको भेटमा महाअभियानका संयोजक निरौलाको नेतृत्वमा सदस्यहरू सुन्दर श्रेष्ठ, ठण्ड बहादुर अधिकारी, मुकुन्द मैनाली, मनोज भेटवाल, सुरज ढकाल र विश्वदीप घिमिरे सामेल थिए ।
प्रतिनीधि मण्डलले महाअभियानको प्रतिक स्बरूप प्रधानमन्त्रीलाई नेपालको बिविध संस्कृति र संपदा अंकित छाँयाचित्र, अपिल एवं महाअभियानको कार्यक्रम पुस्तिका पनि अर्पण गरेको थियो ।
प्रतिनीधि मण्डललाई प्रधानमन्त्रीले देउवाले महाअभियानको सफलताको शुभकामना दिदै सरकार संस्कृतिको संरक्षणकालागि सकारात्मक रहेको र सरकारको तर्फबाट यस अभियानलाई सहयोग रहने बताएको संयोजक निरौलाले बताए ।
परिबर्तन नेपाल अन्तर्गत गठन भएको नेपाली संस्कृति बचाऔं महाअभियान-२०७८ को शुभारम्भ २०७८ मंसिर २६ गते एक समारोहको बीच भएको थियो । महाअभियानले हप्तामा एकपटक बिभिन्न स्थानमा जनचेतनाका लागि अपील पनि बितरण गर्दै आएकोछ ।
परिवर्तन नेपालले यसअघि पनि विभिन्न समयमा जनजागरणका लागि विभिन्न गतिविधि गर्दै आएको थियो ।
