“स्टडी इन अष्ट्रेलिया” भन्ने मूल नाराका साथ आगामी यहि पुस २० गते मंगलबार राजधानीमा अष्ट्रेलियन शैक्षिक मेला आयोजना हुँदैछ । शैक्षिक परामर्शदाता कम्पनी नोभा एजुकेशन एण्ड कन्सल्टिङ सर्भिसेजले काठमाडौंको नयाँ बानेश्वरस्थित एभरेष्ट होटलमा शैक्षिक मेला संचालन गर्ने भएको हो ।
अष्ट्रेलियामा विभिन्न विषयमा पढ्न चाहने विद्यार्थीहरुको लागि परामर्श दिन अस्ट्रेलियाको कलेज र युनिभर्सिटीका साथै शैक्षिक ऋण र बीमा सेवासमेत गरी १५ वटा संस्थाहरुले सहभागिता जनाउने बताइएको छ ।
प्रथम अष्ट्रेलियन शैक्षिक मेला यस वर्ष कक्षा ११, १२ अध्ययन गर्दै रहेका र कक्षा १२ को परीक्षा सकेर बसेका साथै ब्याचलर्स र मास्टर्सका हजारौं विद्यार्थीको सहभागिता रहने नोभाका कार्यकारी निर्देशक रमण कोइरालाले बताए । उनका अनुसार मेलामा छात्रबृत्ति, पोष्ट स्टडी वर्क (अध्ययन पछि काम) र रिजनल क्याम्पस (क्षेत्रीय क्याम्पस) का बारेमा पनि जानकारी दिइनेछ भने एक सय सहभागीहरूलाई निःशुल्क आइइएलटीएस वा पीटीइ कक्षाहरू उपलब्ध गराइनेछ ।
मेलामा सहभागि भएकाहरुमध्येबाट एक भाग्यशाली बिजेतालाई अष्ट्रेलियाको निःशुल्क हवाई टिकेट उपलब्ध गराउने नोभाले जनाएको छ ।
यस वर्षको अष्ट्रेलियन शैक्षिक मेलामा अष्ट्रेलियाबाट कलेज र विश्वविद्यालयहरू, शैक्षिक ऋण प्रदायकको लागि एनएमबी बैंक, आइएलटीएसको लागि आइडीपी आइएलटीएस, शैक्षिक बीमाको लागि एल्लियान्ज पार्टनर्स संस्थाहरुको सहभागिता रहने छ ।
यस वर्षको नोभाद्वारा आयोजित प्रथम अष्ट्रेलियन शैक्षिक मेला- २०२२ को उद्घाटन नेपालका लागि अष्ट्रेलियाली राजदूत फेलिसिटी भोल्कद्वारा हुने भएको छ ।
यो मेलामा विद्यार्थीले आफुले अष्ट्रेलियामा जान आवश्यक शैक्षिक परामर्श निःशुल्क लिन पाउने र थुप्रै उपहारहरुका साथै छत्रबृत्तिको पनि व्यवस्था भएको आयोजकको भनाइ छ ।
