बैंक अफ काठमाण्डू लिमिटेडले आफ्ना ग्राहकहरुको उच्चतम् लाभलाई मध्य नजर गर्दै ‘बिओके रेमिट मुद्धती खाता’ सार्वजनिक गरेको छ । “श्रम विदेशमा प्रतिफल स्वदेशमा” भन्ने मुलनाराका साथ विदेशमा श्रम गरिरहेका नेपालीहरुलाई उच्चतम ब्याजदरको ब्यवस्था सहित बैंकले उक्त बचत खाता तथा मुद्धती खाता संचालनमा ल्याएको छ ।
विदेशमा बसि श्रम गरिरहेकाहरुले उक्त बचत तथा मुद्धती खाता यस बैंकमा खोल्न सक्नेछन् । यस मुद्धती खाता खोल्दा ग्राहकहरुले ११.०५ प्रतिशत वार्षिक ब्याजदर पाउनेछन् ।
साथै, बिओके रेमिट बचत खातामा उच्चतम् ब्याजदरको प्रतिफल सहित मोबाईल बैंकिङ्ग शुल्कमा, डेबिट कार्ड जारी शुल्कमा ५० प्रतिशतको छुट तथा अन्य आर्कषक बिशेषताहरुको उपयोग गर्न सक्नेछन् ।
बैंकले सार्वजनिक गरेको खाताले विदेशमा श्रम गरि आर्जन गरेका रकमको उच्चतम् प्रतिफलका साथै सहज बैंकिङ्गको अनुभव लिन पाउने विश्वास लिएको बैंकले जनाएको छ ।