काठमाडौँ । नेपाली कांग्रेसका केन्द्रीय सदस्य विनोद चौधरीले आफू विधानअनुसार नै १४ औं महाधिवेशनबाट निर्वाचित भएको दाबी गरेका छन् ।
नेता चौधरीको केन्द्रीय सदस्य पद खारेज गर्न माग गर्दै उजुरी परेपछि उनले यस्तो बताएका हुन् ।
उनको पदको खारेजीको माग गरे निर्वाचन आयोगमा निवेदन परेपछि उनले सो विषयमा प्रतिक्रिया दिएका हुन् ।
‘विधिसम्मत भएन भनेर रोइलो गर्नुको कुनै अर्थ छैन । नेपाली कांग्रेसजस्तो लोकतान्त्रिक पार्टीमा यस्तो व्यवहार अपेक्षित मानिदैंन ।’ प्रेश नोटमा उनले भनेका छन् ।
उनले थपेका छन् ‘यदि म अयोग्य थिएँ भन्ने कसैलाई लागेको थियो भने त्यो समयमा किन दावी विरोध गरिएन ?’
सिरहा क्षेत्र नम्बर ३ का महासमिति सदस्य डा. सुभाषचन्द्र यादवले पार्टी निर्वाचन आयोगमा चौधरीको पद खारेज गर्न माग गर्दै उजुरी दिएका थिए ।
प्रतिक्रिया दिनुहोस्
