काठमाडौँ । नारायणहिटी दरबार क्षेत्रमा बनाइएको क्याफेको संरचना भत्काउन थालिएको छ ।
संस्कृति पर्यटन तथा नागरिक उड्डयन मन्त्री प्रेम आलेले सङ्ग्रहालयभित्र रेष्टुरेन्ट सञ्चालन गर्न भन्दै बतास समूहले बनाएका भौतिक संरचना हटाउन तीन दिनको समय दिएपछि संरचनाहरु भत्काउन सुरु गरिएको हो ।
आलेले संग्रहालय परिसरमा रेष्टुरेण्ट बनाउन दिने निर्णय गलत भएको भन्दै त्यसबारे छानविन गर्न मन्त्रालयका सहसचिवको नेतृत्वमा समिति नै गठन गरिएको छ ।
समितिमा मन्त्रालयका उपसचिव टेकनारायण पौडेल, लेखा नियन्त्रक सूर्यमणि गौतम, उपसचिव पुरुषोत्तम खतिवडा सदस्य र सदस्य सचिवमा शाखा अधिकृत टंकबहादुर नेगी सदस्य रहेका छन् ।
सो ठाउँमा रेष्टुरेन्ट बनाउन लागिएको भन्दै चौतर्फी विरोध गरिएको थियो ।
प्रतिक्रिया दिनुहोस्
