विश्व स्वास्थ्य संगठन (डब्लूएचओ) ले आगामी आठ साता यानेकी दुई महिनाभित्र युरोपको आधाभन्दा बढी जनसंख्यामा कोभिड संक्रमण हुने चेतावनी दिएको छ । कोभिडको नयाँ भेरियन्ट ओमिक्रोन फैलिएसँगै युरोपका विभिन्न देशमा संक्रमण दर ह्वात्तै बढिरहेका बेला डब्लूएचओको यस्तो चेतावनी आएको हो ।
पश्चिमबाट पूर्व फैलिएको ओमिक्रोन वेभले सम्पूर्ण युरोप नराम्रोसँग प्रभावित भएको डब्लूएचओका डा. हान्स क्लुगीले बताए । सन् २०२२ को पहिलो साता सम्पूर्ण युरोपमा ७० लाख नयाँ संक्रमित भेटिएका छन् ।
भाइरस पश्चिमा देशहरुबाट बाल्कन्सतर्फ फैँलिदै गर्दा युरोप र मध्य एसियाली देशहरु तीव्र चापमा परेको उनले बताए ।
प्रतिक्रिया दिनुहोस्
