काठमाडौँ । स्याङ्जाको वालिङ नगरपालिकास्थित भकुन्डेमा एक बालकको घांटी रेटेर हत्या भएको छ ।
हत्या हुनेमा वालिङ नगरपालिका १२ सिर्सीकोट १२ घर भई हाल वालिङ नगरपालिका १० भकुण्डेमा डेरा गरी बस्ने रनमाया गुरुङको छोरा १६ महिनाको साईमन गुरुङ रहेको जिल्ला प्रहरी कार्यालय स्याङ्जाले जनाएको छ ।
चक्कु प्रहार भएपछि उनलाई उपचारको लागि प्राथमिक स्वास्थ्य केन्द्र वालिङ पठाइएको थियो । उनलाई डाक्टरले दिउँसो साढे एक बजे मृत घोषित गरेका थिए ।
हत्या आरोपीलाई नियन्त्रणमा लिई घटनाको बारेमा थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्
