सिन्धुपाल्चोकको लिशंखुपाखर गाउँपालिका वडा नं.७ पाखर खोलामा करेन्ट लागेर एक किशोरको मृत्यु भएको छ । बुधबार दिउँसो पौने चार बजेको समयमा १६ वर्षका अमृत तामाङको घटनास्थलमै मृत्यु भएको जिल्ला प्रहरी कार्यालय सिन्धुपाल्चोकले जनाएको छ ।
बिजुलीको पोल बाट हुक लगाई डाइरेक्टर लाइन तानी करेन्ट लगाएर खोलामा माछा मार्ने क्रममा एक्कासि करेन्ट सर्ट हुँदा तामाङको मृत्यु भएको हो ।
मृतक तामाङसँगै सात वर्षका बुद्ध तामाङ पनि खोलामा माछा मार्न गएका थिए । घटना सम्बन्धमा थप अनुसन्धान कार्य भइरहेको प्रहरीले जनाएको छ ।
प्रतिक्रिया दिनुहोस्
