नेपाली अभिनेत्री स्वस्तिमा खड्काको अभिनय रहने भनेर चर्चामा आएको फिल्म ‘थिरिमाली’को ट्रेलर रिलिज भएको छ । ट्रेलरमा अभिनेत्री स्वस्तिमा नृत्य गर्दै देखिएका छन् ।
विशेष भुमिका भनिएको फिल्ममा उनि गीतमा मात्रै रहेको ट्रेलरबाट भान हुन्छ । फिल्मको ट्रेलरमा नेपाली अभिनेता माओत्से गुरुङ पनि अटाएका छन् ।
नेपाल र भारतमा खिचिएको फिल्मको सार्वजनिक २ मिनेट ४१ सेकेण्ड लामो ट्रेलरमा नेपालका दृश्यहरुलाई पनि प्राथमिकताका साथ समेटिएको छ । नेपाली ब्यानर अनन्या फिल्मस् ले यो फिल्म निर्माणमा सहकार्य गरेको छ । नेपाली निर्मातामा सरोज न्यौपाने छन् ।
स्वस्तिमा र माओत्सेसँगै नेपाली कलाकार उमेश गुरुङको पनि यो फिल्ममा अभिनय समेटिएको छ । साउथ कलाकारहरु विविन जर्ज, जोनी एन्टिवनी, सलिम कुमार, इनोसेन्ट, सोहन सीनुलाल लगायत यो फिल्ममा अभिनयमा छन् । राजिव सेट्ठीले ‘थिरिमाली’लाई निर्देशन गरेका हुन् ।
फिल्मको प्रदर्शन मिति घोषणा गरिएको छैन । हिन्दी, मलयालम, कन्नड, तमिल र तेलूगूसँगै नेपाली भाषामा पनि फिल्म प्रदर्शन हुने बताइएको छ ।
