काठमाडौँ । नेकपा माओवादी केन्द्रका नेता वर्षमान पुन अध्यक्ष प्रचण्ड भेट्न आज बिहानै खुमलटार पुगेका छन् ।
चीनमा उपचार गरेर फर्केको भोलिपल्ट बिहान नै उनी प्रचण्डलाई भेट्न उनकै निवासमा पुगेका हुन् ।
त्यस क्रममा अध्यक्ष प्रचण्डले नेता पुनलाई स्वागत गर्दै उनको पूर्ण स्वास्थ्य लाभको कामना गरेका छन्।
उनले हिजो त्रिभुवन विमानस्थलमा ओर्लने बित्तिकै आफू महासचिवको दाबेदार भएको उल्लेख गरेका थिए ।
उनी प्रचण्डले आफूलाई महासचिव बनाउने कुरामा लगभग ढुक्क छन् । प्रचण्डले नमाने आफू चुनाव लड्न पनि तयार भएको उनले जनाएका छन् ।