गायक क्षितिज सापकोटा र गायिका स्वेच्छा ठकुरीको स्वरमा नयाँ गीत भिडियो सार्वजनिक गरिएको छ। सार्वजनिक ‘करोडौँमा’ बोलको गीतमा शब्द रचना गायक स्वयम् क्षितिज सापकोटाको रहेको छ भने संगीत अर्जुन पोखरेलको रहेको छ ।
परदेशमा रहेर पनि निरन्तर नेपाली गीत संगीतमा सक्रिय क्षितिज सापकोटाको यस अघि चाहिंदैन ‘तिमि बिनाको सुनैको दरबार’ले दर्शक श्रोताको राम्रो माया पाएको थियो । सापकोटाको भुल, निम्तो माखे साङ्ग्लो, सिरुपाते कम्मर, किराना पसल, किराना पसल २ जस्ता गीतहरु सार्वजनिक भई सकेका छन् । सापकोटा लामो समय देखि अस्ट्रेलियामा बस्दै आए पनि निरन्तर नेपाली गीत संगीतमा सक्रिय छन् ।
सार्वजनिक भिडियोमा शिशिर खातीको निर्देशन आरजु बैजुको कोरियोग्राफी रहेको छ । भिडियोमा आर्यन सिग्देल र रुबिना थापा फिचर्ड छन् । रबिन्द्र बरालले छायाँकन गरेको भिडियो उत्कृस्ट बनेको छ । मनोज कार्कीले सम्पादन गरेको भिडियोमा राजेन्द्र मोक्तानको कलर संयोजन रहेको छ ।
भिडियो फोरबि इन्टरटेन्टमेन्टको अफिसियल च्यानल मार्फत सार्वजनिक गरिएको छ । यस अघिका गीत जस्तै यो गीतलाइ पनि संगीत प्रेमी दर्शक श्रोताले मन पराउनेमा गायक सापकोटा बिस्वस्त रहेका छन् ।
