काठमाडौं । आज सन् २०२२ को ७ फेब्रुबरी । आज विश्व इतिहासमा विभिन्न सामाजिक तथा राजनीतिक घटनाक्रम विकसित भएका थिए । प्रस्तुत छ आज भएका केही घटनाक्रमः
नाटककार, साहित्कार तथा चित्रकार बालकृष्ण समको पनि जन्म जयन्ती हो। उनको जन्म काठमाडौंको ज्ञानेश्वरमा भएको हो। राणा परिवारमा जन्मिएका समलाई साहित्यमा बहुमुखी प्रतिभाका धनी मानिन्छ। उनले आफ्नै पुर्खाहरुको क्रुर शासनको विरोधसमेत गरेका थिए। समले कविता, कथा, नाटक, निबन्ध, प्रबन्ध, जीवनी लगायत धेरै क्षेत्रमा कलम चलाएका छन्। उनका कृतिहरुमा स्वास्नीमान्छे, नालापानीमा, प्रेमपिण्ड, मुटुको व्यथा आदि छन्। उनी गोरखा दक्षिण बाहु, रत्नश्री स्वर्णपदक, त्रिभुवन प्रज्ञा पुरस्कार, साझा, त्रिभुवन विश्वविद्यालय आदि पुरस्कारबाट सम्मानित भएका थिए।
नेपाली कवि, भाषासेवी तथा शिक्षाविद् धरणीधर कोइरालाको जन्मजयन्ती हो। उनको जन्म सिन्धुलीको दुम्जामा भएको थियो। उनले दार्जिलिङ्मा शिक्षक भएर तथा फर्पिङको त्रिभुवन आवासीय माध्यमिक विद्यालयमा प्रधानाध्यापक भएर काम गरे। उनको नैवेध कविता संग्रह, स्पन्दन कविता संग्रह, श्रीमद्भागवत् अनुवाद गरेका छन्। कोइराला २०२२ सालमा त्रिभुवन प्रज्ञा पुरस्कारले सम्मानित भएका थिए। उनको निधन सन् १९८० सालमा भएको हो।
सन् १९८४ अर्थात् ३८ वर्ष अगाडि आजको दिन अन्तरिक्षमा पहिलो पटक मानव यात्रा भएको थियो। अन्तरिक्ष यात्री ब्रुस म्याकक्यान्डस्ले ग्यास स्वचालित जेट प्याकको प्रयोग गरेर पृथ्वी भन्दा लगभग ३ सय फिट माथि पुगेर फर्किएका थिए।
सन् १९७१ मा आजको दिन स्वीजरल्याण्डका महिलाहरुले मतदानको अधिकार पाएका थिए। स्वीजरल्याण्ड त्यतिबेला महिलालाई मतदानको अधिकार दिने छैठौ राष्ट्र बनेको थियो।
सन् १९७४ मा आजको दिन ग्रेनाडाले बेलायतबाट स्वतन्त्रता प्राप्त गरेको थियो। तीन सय वर्ष भन्दा बढी बेलायतको औपनिवेशिक शासनपछि ग्रेनाडालेस्वतन्त्रता प्राप्त गरेको हो।
सन् १९१५ मा आजको दिन पहिलो वायरलेस म्यासेज चलिरहेको रेलबाट स्टेशनमा पठाइएको थियो।
