तनहुँको दमौली बजारको एक हार्डवेयर गोदाममा आगलागी भएको छ । बिहान १० बजेदेखि भएको आगलागी अनियन्त्रित भएपछि बजारवासी त्रसित छन् ।
तनहुँका प्रमुख जिल्ला अधिकारी विश्व प्रकाश अर्यालले आगो निभाउने प्रयास जारी रहेको बताए । उनका अनुसार अहिलेसम्म मानवीय क्षति भएको जानकारी छैन ।
स्थानीय स्तरबाट आगो निभाउन नसकेपछि गृह मन्त्रालयले सिम्रिक एयरसँग सहयोग मागेको छ । सिम्रिक एयरको हेलिकप्टर पानी लिएर काठमाडौंबाट दमौली प्रस्थान गरेको छ ।
प्रतिक्रिया दिनुहोस्
