काठमाडौं – ताप्लेजुङ सदरमुकाम कोप्चेमामा आगलागी भएको छ । शुक्रबार बिहान कोप्चे बजारमा रहेको मासु पसल नजिकैको एक घरबाट अचानक आगलागी भएको हो ।
आगलागीबाट एक घर जलेको छ भने आगो नियन्त्रणमा आइनसकेको बताइएको छ । आगलागी नियन्त्रणका लागि स्थानीय र सुरक्षाकर्मी खटिएका छन् ।
आगलागी नियन्त्रणका लागि फुङलिङ नगरपालिकाको दमकल प्रयोग गरिएको छ । आगो अन्यत्र सल्किए कोप्चेबजार पूरै जोखिममा पर्ने देखिएको छ ।
प्रतिक्रिया दिनुहोस्
