प्रतिक्षित फिल्म ‘ए मेरो हजुर ४’ को ट्रेलर रिलिज भएको छ । बिहिबार राजधानीमा आयोजित एक कार्यक्रमका बीच निर्माण टिमले ट्रेलर रिलिज गर्यो । ट्रेलरमा प्रेम, विछोडसँगै रोमान्स र रोदन समावेश छ ।
झरना थापाको निर्देशनमा बनेको तो फिल्म २०७९ को पहिलो दिन अर्थात आगामी बैशाख १ गतेबाट दर्शकमाझ आउँदैछ । फिल्ममा स्टार अभिनेता अनमोल केसी र झरना पुत्री सुहाना थापा लिड अभिनयमा छन् । हिट सिरिज ‘ए मेरो हजुर’को चौथो सिक्वेलले यसअघि सार्वजनिक गीत र टिजरले एक प्रकारको हाइप बनाइसकेको छ ।
सुनिलकुमार थापाको निर्माणमा बनेको फिल्मको कथा निर्देशक झरना थापाको नै हो भने स्कृनप्लेमा झरनालाई बाबुराम दाहाल, स्व. छेतेन गुरुङ, मन्दीप गौतम, प्रतिक पौडेल, उपकार पाण्डे र माधव शर्माले सघाएका छन् ।
मित्र डि. गुरुङले सम्पादन गरेको फिल्ममा छायांकन सञ्जय लामाको छ ।
प्रतिक्रिया दिनुहोस्
