काठमाडौँ । आगामी वैशाख ३० मा हुन लागेको स्थानीय तहको निर्वाचनमा कुन महानगर कसले पाउने भन्ने विषयमा सत्ता गठबन्धनबीच कुनै ठोस सहमति हुन सकेको छैन ।
माधव कुमार नेपाल नेतृत्वको नेकपा एसले पोखरा महानगर दाबी गरेको छ । तर उनलाई महानगर होइन वडा सदस्य पनि नदिने काँग्रेस नेताहरुले बताएका छन् ।
पार्टीको इकाइ समितिहरुले समाजवादीलाई वडा सदस्य पनि दिन नसक्ने निर्णय पठाएको बताइएको छ ।
सोमबार कास्कीको पोखरामा बसेको सत्ता गठबन्धनको बैठकमा नेपाली काँग्रेसले यस्तो निर्णय अघि सारेको हो ।
कांग्रेस कास्कीका सचिव भानु ढकालले अब एकीकृत समाजवादीलाई चुनावमा समेट्न नसक्ने जानकारी गराएको बताएका हुन् ।
प्रतिक्रिया दिनुहोस्
