नेपाली सांगीतिक क्षेत्रमा झण्डै एक दशक देखी लागेकी गायीका सन्जना श्रेष्ठले आम दर्शक श्रोता माझ नयाँ गित ‘तिमि र म…’ लिएर आएकी छन् । म्युजिक भिडियोसहित आएको गितमा उनको आफ्नै शब्द, संगीत र मोडलीङ रहेको छ । गितमा सन्जनालाई मोडल मुन थकालीले साथ दिएका छन् भने नितेश लामाले छायाँकन र सम्पादन गरेका छन् ।
सन्जनाले ‘तिमि र म…’को म्युजिक भिडियोलाई आफ्नै युटुव च्यानल singer sanjana shrestha मार्फत सार्वजनिक गरेकी छन् । गित र भिडियोले प्रेम निस्वार्थ भावना हो, दुःख सुखमा एकसाथ अघि बढे प्रेम अबश्य सफल हुन्छ भन्ने सन्देश दिएको सन्जना बताउँछिन् । यो म्युजिक भिडियो सार्वजनिक भएसँगै यसै बर्ष ब्याक टु ब्याक सांगीतिक प्रस्तुती दिने उनको तयारी छ । सन्जनाले अहिले सार्वजनिक गरिएको म्युजिक भिडियोलाई हेरेर उचित सुझव, सल्लाह र प्रतिक्रिया दिनुहुन आम दर्शक श्रोतालाई आग्रह गरेकी छन् ।
स्लो रक र पप गित गाउन रुचाउने सन्जनाले पहिलो पटक तिमिसँग अन्तिम चोटी भन्ने बोलको गित गाएकी थिइन् । सोहि गितबाट हिट भएकी उनले थुप्रै गितमा आवाज दिएकी छन् । गीत संगीतमा नै विषेश रुची राख्ने उनको ‘सुनौलो विहानी…’ भन्ने बोलको गितले पनि निकै चर्चा कमाएको थियो । सांगीतिक बजारमा आफ्नो छुट्टै पहिचान बनाएकी सन्जनाले देशका विभिन्न शहरमा गएर थुप्रै सांगीतिक प्रस्तुति दिएकी छन् भने कोरिया र दुवइमा पुगेर पनि आफ्नो आवाजको जादु देखाईसकेकी छन् ।
भिडियो
