![shree-airlines](https://www.sutranews.com/wp-content/uploads/2022/05/shree-airlines.jpg)
![ठूलो दुर्घटना हुनबाट जोगियो श्री एयरलाइन्सको जहाज, इन्जिन फेल भएपछि काठमाडौंमा आकस्मिक अवतरण](https://www.sutranews.com/wp-content/uploads/2022/05/shree-airlines.jpg)
काठमाडौंबाट धनगढीका लागि उडेको श्री एयरलाइन्सको विमान ठूलो दुर्घटना हुनबाट जोगिएको छ । इन्जिन फेल भएपछि धनगढी उडेको विमानलाई काठमाडौंमा आकस्मिक अवतरण गरिएको छ ।
८७ जना यात्रु बोकेर बुधबार धनगढीका लागि उडेको विमानको एक इन्जिन फेल भएपछि काठमाडौंमा आकस्मिक अवतरण गरिएको हो ।
विमानस्थलका प्रवक्ता टेकनाथ सिटौलाका अनुसार १२ः०८ बजे त्रिभुनव अन्तर्राष्ट्रिय विमानस्थलमा आकस्मिक अवतरण गरिएको हो । आकस्मिक अवतरण गराइएको जहाजका सबै यात्रु सुरक्षित रहेको उनले बताए ।
सुरक्षित अवतरण गरिएको जहाजको प्राविधिक जाँच गरिने उनको भनाइ छ । उक्त विमानलाई आकस्मिक अवतरण गर्न लागिएपछि अन्य विमान आकाशमै होल्डमा राखिएको थियो ।