![samsad](https://www.sutranews.com/wp-content/uploads/2022/06/samsad.jpg)
![विनियोजन विधेयक पारित गर्ने तयारी](https://www.sutranews.com/wp-content/uploads/2022/06/samsad.jpg)
काठमाडौं – प्रधानमन्त्री शेरबहादुर देउवा र अर्थमन्त्री जनार्दन शर्माले बजेटमाथि उठेका प्रश्नको जवाफ आज संघीय संसदमा दिने भएको छन् । यस्तै आज नै विनियोजन विधेयक पारित गर्ने तयारी पनि गरिएको छ ।
रक्षामन्त्रीको जिम्मेवारीसमेत सम्हालेका प्रम देउवाले प्रधानमन्त्री तथा मन्त्रिपरिषद् कार्यालय र रक्षा मन्त्रालयसँग सम्बन्धित बजेटमाथि सांसदहरुले उठाएका प्रश्नको जवाफ दिने भएका हुन् ।
सरकारले १५ जेठमा संसदमा बजेट प्रस्तुत गरेको थियो । बजेटमाथिको छलफल सकिएपछि मन्त्रीहरुले जवाफ दिइरहेका हुन् । प्रतिनिधि सभाको बैठक दिउँसो १ बजे बस्दैछ ।
आज त्यसबाहेक राष्ट्रिय योजना आयोग, राष्ट्रपति तथा उपराष्ट्रपतिको कार्यालयको तर्फबाट बजेटका सन्दर्भमा उठेका विषयमा जवाफ दिने सम्भावित कार्यसूची रहेको संसद् सचिवालयले जनाएको छ।