काठमाडौं – नेकपा एमालेका अध्यक्ष केपी शर्मा ओलीले शेरबहादुर देउवा जालझेल र तिकडमबाट मात्रै प्रधानमन्त्री बनेको बताएका छन् । शुक्रबार राष्ट्रिय सभागृहमा एमालेबाट निर्वाचित जनप्रतिनिधिहरुको प्रशिक्षणमा समापन कार्यक्रमलाई सम्बोधन गर्दै ओलीले सो कुरा गरेका हुन् ।
उनले देउवा अहिलेसम्म निर्वाचित प्रधानमन्त्री नबनेको भन्दै अहिलेसम्म पाँच पटक जालझेल र तिकडमबाट मात्रै प्रधानमन्त्री बनेको बताए। उनले भने – ‘२०५२ साल भदौ १२ गते पनि जितेर ल्याउने उहाँ नै हो । शेरबहादुरजी निर्वाचनबाट जितेर फ्रेस प्रधानमन्त्री कहिल्यै हुनुभएको छैन ।’
यस्तै उनले वैचारिक राजनीतिक लडाइँ लडिरहेका बेला पार्टीको प्रतिष्ठालाई कमजोर बनाउन खोज्नेहरू एमालेको नेता कार्यकर्ता हुन नसक्ने बताए । यति बेला एमालेमाथि आक्रमण भइरहेको भन्दै उनले यस्तो बेला पार्टीलाई एक ढिक्का बनाएर अघि बढ्न आवश्यक रहेको बताउ ।
