काठमाडौं – धादिङमा काठमाडौं जाँदै गरेको ट्रक रोकेर स्थानीयले मल खोसेका छन् । धादिङको धार्के बजारमा स्थानीयले ट्रक रोकेर मल खोसेर लगेका हुन् ।
सार्वजनिक भएको तस्बिरमा स्थानीयले ट्रकबाट मल निकालेर भागेको देखिएको छ । भन्सार छलेर ल्याएको २ ट्रक रासायनिक मल राजश्व अनुसन्धान विभागले नियन्त्रणमा लिएर दुई जना सशस्त्र प्रहरीको सुरक्षामा काठमाडौं लगिदै गर्दा स्थानीयले बाटोमै खोसेका हुन् ।
२ वटा ट्रकमा लगभग ४ सय बोरा मल रहेको जनाइएको छ । ट्रक स्थानीयले राजमार्गमै कक्जा गरेका हुन् । प्रहरीले बल प्रयोग गरे पनि स्थानीयलाई रोक्न नसकेको भिडियोमा देखिएको छ ।
प्रतिक्रिया दिनुहोस्
