काठमाडौं – राप्रपा नेपालका अध्यक्ष नेता कमल थापाले काठमाडौं महानगरपालिकाका मेयर बालेन्द्र साह बालेन को खुलेर प्रशंसा गरेका छन् । सामाजिक सञ्जालमार्फत अध्यक्ष थापाले काठमाडौं महानगर शाहले आइतबार प्रस्तुत गरेको काठमाडौंको नीति र कार्यक्रमको प्रशंसा गरेका हुन् ।
उनले काठमाडौँको समग्र विकासको निम्ति बालेनले प्रस्तुत गरेको नीति र कार्यक्रम प्रशंसनीय रहेको बताएका छन् । उनले संस्कृति, सम्पदाको संरक्षण र शिक्षा विकासमा ध्यान दिएकोमा राम्रो लागेको बताएका छन् ।
उनले लेखेका छन् – ‘आशा आकांक्षा असिमित हुन्छन्।यो पनि,त्यो पनि भैदिए हुन्थ्यो भन्ने चाहना राख्नु स्वाभाविक हो।तथापि काठमाडौँको समग्र विकासको निम्ति @ShahBalen द्वारा प्रस्तुत नीति र कार्यक्रम प्रशंसनीय छ।संस्कृति, सम्पदाको संरक्षण र शिक्षा विकासमा ध्यान दिएको राम्रो लाग्यो। Well done कार्यान्वयनको लागि शुभकामना’
