काठमाडौं । नेपाली कांग्रेसका वरिष्ठ नेता रामचन्द्र पौडेलले समाजवादको नारा व्यवहार उतार्न आचरण सुधार्नुपर्ने बताउका छन् । सोमबार ‘नेपालमा समाजवाद चुनौती र सम्भावना’ विषयक अन्तरक्रिया कार्यक्रममा बोल्दै नेता पौडेलले एउटै मञ्चमा रहेका एकीकृत समाजवादीका नेता झलनाथ खनालतर्फ इंगित गर्दै सो कुरा गरेका हुन् ।
उनले खनाललाई रामकुमारी झाँक्रीलाई धरधरी रुवाएर समाजवाद आउँछ भन्दै प्रश्न गरे । उनले कुरा समाजवादको गरेपनि चरित्र अवसरवाद भएको आरोप पनि लगाए ।
उनले भने – ‘समाजवादको कुरा गरेर, के रामकुमारी झाँक्रीलाई धरधरी रुवाएर समाजवाद आउँछ ? समाजवादतिर जाने भनेर के आचरण चरित्र देखाइरहेका छौं ? नारा समाजवादको फलाक्ने, काम घोर प्रतिक्रियावादी र समान्तवादी गर्ने ? ‘ अब बदलीन जरुरी रहेको भन्दै उनले विरोधाभाषले सबैलाई डुंबाउने बताए ।
प्रतिक्रिया दिनुहोस्
