काठमाडौं – फिल्म ‘नाइँ नभन्नु ल’को छैटौं सिरिज पनि बन्ने भएको छ । यसअघिका सिरिज सफल भएपछि फिल्मका निर्माता एवं निर्देशक विकासराज आचार्यले नयाँ सिरिज ल्याउन लागेका हुन् ।
यस सिरिजमा दुई नयाँ बाल कलाकारको मुख्य भूमिका हुने भएका छन् । फिल्ममा चर्चित अभिनेता निखिल उप्रेती तथा सञ्चिता लुइँटेलका १० वर्षीय छोरा अथर्व र टिकटकबाट चर्चा कमाएकी आठ वर्षीया बालिका एभेलिना खड्काले अभिनय गर्ने बताइएको छ ।
अथर्वलाई फिल्म खेलाउन निर्देशक आचार्यले सञ्चिता र निखिललाई प्रस्ताव गरेका थिए । उनीहरु छोरालाई फिल्म खेलाउन सकरात्मक रहेको बताइएको छ ।फिल्मका निर्देशक आचार्यले एभेलिनासँग सम्झौता भइसकेको बताएका छन् । दशैंपछि छायांकनमा जाने तयारीमा रहेको यस फिल्ममा अभिनेत्री आँचल शर्मा र आशीर्वाद बराल पनि हुनेछन् ।
प्रतिक्रिया दिनुहोस्
