काठमाडौँ । पटकपटक विवादमा आइरहेका माओवादी केन्द्रबाट सिंहदरबार छिरेका अर्थमन्त्री जनार्दन शर्माको राजीनामाको विषयमा छलफल भइरहेको छ ।
विवादमा आएपछि उनलाई हटाउनका लागि प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच छलफल भइरहेको बताइएको छ ।
अर्थमन्त्रीलाई हटाउने देउवा र प्रचण्ड र देउवा दुवै सकारात्मक रहेका छन् । उनलाई हटाएपछि अर्थमन्त्रीमा नेकपा माओवादी केन्द्रकै अर्का नेता तथा काँग्रेसका नेतालाई नियुक्त गर्ने तयारी छ ।
केही समयअगाडी राष्ट्र बैंकका गभर्नरमाथि दोष थुपारेर अर्थमन्त्री शर्मा उम्किन लागेका थिए । तर निलम्बन भइसकेका गभर्नर सर्वोच्चको आदेशसंगै पुन राष्ट्र बैंक छिरेका थिए ।
अहिले फेरी शर्मा अर्को गम्भीर नैतिक संकटमा परेका छन् । अर्थमन्त्रालयको सिसिटिभी डिलेट गरेका कारण उनीमाथि राजीनामाको नैतिक दबाब परेको छ ।
