काठमाडौँ – काठमाडौं महानगरपालिकाका मेयर बालेन्द्र शाह र नेपाली कांग्रेसको तर्फबाट मेयरकी प्रतिस्पर्धी सिर्जना सिंहबीच भेटवार्ता भएको छ । शनिबार भएको मेयर बालेन र सिंहबीचको भेटमा काठमाडौको खानेपानी व्यवस्थापन लगायत विभिन्न बिषयमा कुराकानी भएको थियो ।
गत ३० वैशाखमा सम्पन्न स्थानीय तह निर्वाचनमा यी दुई एक अर्काका प्रतिस्पर्धी थिए । उक्त निर्वाचनमा स्वतन्त्रबाट उठेका बालेन्द्रले सिंहलाई पराजित गरी निर्वाचित भएका थिए ।
सिंहले काठमाडौंका सार्वजनिक क्षेत्रमा निःशुल्क खानेपानी व्यवस्था गर्ने एजेण्डा अघि सारेकी थिइन्। भेटमा सोही योजना पूरा गर्ने प्रतिबद्धता मेयर शाहले गरेका छन्।
प्रतिक्रिया दिनुहोस्
