काठमाडौं । नेपाली कांग्रेसका महामन्त्री गगन थापा प्रधानमन्त्री बन्न चाहेमा अर्का महामन्त्री विश्वप्रकाश शर्माले सहयोग गर्ने भएका छन् ।
महामन्त्री शर्माले यदि नेता थापाले प्रधानमन्त्रीमा दाबी गरेमा आफूले समर्थन गर्ने बताएका छन् । कांग्रेस निकट जनसम्पर्क समितिले क्यालिफोर्निया आयोजना गरेको कार्यक्रममा बोल्दै शर्मा सो कुरा खोलेका हुन् ।
नेता थापा सांसद तथा मन्त्री भइसकेकाले प्रधानमन्त्रीमा दाबी गर्नु स्वाभाविक रहेको र यसका लागि आफू सहयोग गर्न तयार रहेको उनले बताएको एक नेताले बताए ।
निर्वाचनपछि प्रधानमन्त्रीमा दाबी गर्ने बताउँदै थापाले जुनसुकै परिणाम स्वीकार्न आफू तयार रहने बताउदै आइरहेका छन् । नेपाली कांग्रेसमा संसदीय दलको नेता भएर मात्र प्रधामन्त्रीको लागि कदम चाल्ने प्रवधान रहेको छ । उनले संसदीय दलको नेता चुन्ने निर्वाचनमा उम्मेदवार दिने पनि बताइसकेका छन् ।
