काठमाडौं – नेपाली चलचित्र क्षेत्रकी चर्चित अभिनेत्री सुरक्षा पन्त अहिले निकै मख्ख छिन् । उनले केही समयअघि फ्रान्समा भएको कान्स फिल्म फेस्टिभलमा रेड कार्पेटमा हिँड्ने मौका पाएकी थिइन् । अहिले सोही कुरा फेरी चर्चामा आएको छ ।
हालै नेपाली सेना, अधिकृत क्याडेट पदको खुला प्रतियोगितात्मक लिखित परीक्षामा अभिनेत्री पन्तको नाम सोधिएको छ । रीक्षामा ’फ्रान्समा भएको कान्स फिल्म फेस्टिभलमा रेड कार्पेटमा हिँड्ने मौका पाउने पहिलो नेपाली अभिनेत्री को हुन् रु’ भनेर प्रश्न सोधिएको थियो ।
लोक सेवा परीक्षामा नै उनको नामको प्रश्न आएपछि पन्त निकै खुशी छिन् । उनले सामाजिक सञ्जालमा उक्त प्रश्नपत्रको कागजको तस्बिर शेयर गर्दै खुशी व्यक्त गरेकी छिन् । उनले लेखेकी छिन् – ‘लोकसेवाको परीक्षामा एउटा उत्तर हुँदाको क्षण’
सुरक्षा अहिले फिल्म ‘बुलाकी’ का कारण पनि चर्चामा छिन् । उनको यस फिल्ममा कर्णाली भेगको जनजीवन, रीतिथिति तथा संस्कृतिक समेटिएको छ । उनी पनि यस फिल्ममा नौलो लुक्समा देखिएकी छिन् ।
