काठमाडौँ । पछिल्लो समय जनता समाजवादी पार्टी फुटको संघारमा हिँडेको छ ।
पार्टीका अध्यक्ष उपेन्द्र यादव र संघीय परिषद अध्यक्ष बाबुराम भट्टराईको पछिल्लो टकरावका कारण जसपाको किचलो थप पेचिलो बन्दै गएको हो ।
उपेन्द्र र बाबुराम संगै बस्न नसक्ने स्थितिमा पुगिसकेका छन् । पार्टी औपचारिक रुपमा फुट्दै छ ।
अब कसको पक्षमा बहुमत जाला र को बढी शक्तिशाली होलान भन्ने विषयले मात्र चर्चा कमाएको छ ।
दुवैजना शक्तिशाली बन्ने होडमा लागेका छन् ।
उपेन्द्र यादवले संघीय परिषद् अध्यक्ष डा. बाबुराम भट्टराई लगायतका नेतालाई अनुशासनकाे कारबाही गर्ने प्रस्ताव पेश गरेका छन् । उनेको प्रस्ताव पारित समेत भइसकेको छ ।
अध्यक्ष यादवले बैठकका लागि १० वटा एजेण्डा प्रस्तुत गरेका छन्। उनले पेश गरेका सबै एजेण्डाहरु पारित भइसकेका छन् ।
अबको दिनमा विधान संशोधन गरेर उपेन्द्र थप शक्तिशाली बन्ने तयारीमा रहेका छन् ।
