काठमाडौं – नेपालमा पछिल्लो २४ घण्टामा २२९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३७१८ जनाको परीक्षण गरिएको थियो ।
१६४४ जनाको पिसिआर गर्दा १६१ र २०७४ जनाको एन्टिजेन परीक्षण गर्दा ६८ जनामा संक्रमण पुष्टि भएको मन्त्रालयले जनाएको छ ।
यस्तै सोही अवधिमा ४८ जना संक्रमणबाट निको भएका छन् । अहिले देशभर १२ सय ८४ जना सक्रिय संक्रमित छन् । यसको संक्रमणबाट पछिल्लो २४ घण्टामा कसैको मृत्यु भएको छैन ।
प्रतिक्रिया दिनुहोस्
