काठमाडौं – नेकपा माओवादी केन्द्रका अध्यक्ष पुष्पकमल दाहाल प्रचण्ड आज स्वदेश फर्कने भएका छन् । भारतीय जनता पार्टी ९भाजपा० अध्यक्ष जेपी नड्डाको निमन्त्रणामा तीन दिने भारत भ्रमणमा गएका प्रचण्ड भ्रमण कार्यक्रम सकेर आज नै स्वदेश फर्कने बताइएको छ ।
उनले आफूलाई निमन्त्रणा गरेका भाजपा अध्यक्ष नड्डासँग भाजपाको मुख्यालयमा भेटवार्ता गरिसकेका छन् । भेटमा भारतीय विदेशीमन्त्री एस जयशंकर, भाजपा विदेश विभाग प्रमुख विजय चौथाईवालासमेत सहभागी रहेका थिए ।
प्रचण्डले शनिबार भारतीय प्रधानमन्त्री नरेन्द्र मोदीका सुरक्षा सल्लाहकार अजित डोभाल र विदेशमन्त्री एस जयशंकरसँग भेट गरेका थिए ।
प्रतिक्रिया दिनुहोस्
