काठमाडौं । हास्य कलाकार दीपकराज गिरी र दीपाश्री निरौलाले अब फेरि नयाँ फिल्म ल्याउँदैछन् । फिल्म छक्का पञ्जाको सफलतापछि हरेक फिल्ममा सफलता पाउँदै आएका उनीहरुले अब नयाँ फिल्म ल्याउने भएका हुन् । उनीहरुले फिल्मको नाम ‘श्री माग्ने राजा’ राख्ने भएका छन् ।
यस फिल्मका लागि अभिनेत्री बेनिशा हमाल र मलिना जोशी अनुबन्धित गरिएको छ । हेमराज बीसीले निर्देशन गर्ने यस फिल्ममा दीपकको जोडीको रुपमा बेनिशा र सहायक अभिनेत्रीको रुपमा पूर्वमिस नेपाल समेत रहेकी मलिना जोशी रहने बताइएको छ ।
आगामी साता भक्तपुरको सूर्यविनायक मन्दिरमा फिल्मको मुहूर्त गरिने बताइएको छ । फिल्ममा दीपक, दीपा, मलिना र बेनिशासहित फिल्ममा केदारप्रसाद घिमिरे ‘माग्ने बुढा’, नीर शाह र निर्मल शर्माको पनि अभिनय रहनेछ ।
प्रतिक्रिया दिनुहोस्
