काठमाडौँ । बाँकेको कोहलपुर नगरपालिका-१४ स्थित पार्वतीपुरमा बस्ने एक दम्पतीको हत्या उनकै दाजुले गरेको खुलाशा भएको छ ।
२२ वर्षीय कृष्ण गडरिया र २१ वर्षीया अञ्जली गडरियाको हत्या योजना उनीहरुकै दाजु विजयले बनाएको बाँके प्रहरीले संकेत गरेको छ ।
उनीहरु आफ्नै घरमा मृत फेला परेका थिए । त्यसलगत्तै प्रहरीले छानबीन प्रक्रिया अगाडी बढाएको थियो ।
उनका दाजुले एक जना मान्छेलाई १ लाख रुपैयाँ दिएर हत्या गर्न लागेको प्रहरी अनुसन्धानबाट खुलेको छ ।
पत्नी घरबाहिर मृत भेटिएकी थिइन् भने पति घरभित्रै भेटिएका थिए । घटनास्थल रगताम्य भएको प्रहरीले जनाएको छ ।
घटनाको बारेमा थप अनुसन्धान भइरहेको छ ।
प्रतिक्रिया दिनुहोस्
