काठमाडौं – फिल्म ‘झिँगेदाउ’को दोस्रो लिरिकल गीत ‘ईश्वरसँग पनि’ सार्वजनिक गरिएको छ । ज्ञानेन्द्र देउजा निर्देशितयस फिल्मको सार्वजनिक गीत भिडियोमा केकी अधिकारी, आँचल शर्मा, अभिनेता मुकुन भुषाल, कुशल बिष्ट र हिँउवाला गौतम देखिएका छन् । गीतमा अर्जुन पोखरेलको संगीत तथा प्रमोद ढुंगानाको शब्द रचना रहेको छ भने कमल खत्री र अस्मिता अधिकारीको स्वर रहेको छ ।
फिल्ममा पहिलो पटक केकी र आँचल जेठानी देउरानीको भुमिकामा देखिएका छन् । फिल्ममा यी ४ जना बाहेक संगम भण्डारी, विजय देउजा, आर्यन खड्का, अभयराज बराल, आशा भुषाल लगायतका कलाकारको पनि अभिनय रहेको छ । फिल्म आगामी भदौ १७ गतेबाट प्रदर्शनमा आउने भएको छ ।
प्रतिक्रिया दिनुहोस्
