काठमाडौँ – नेकपा एमालेका उपाध्यक्ष विष्णु पौडेलले एमालेसँग तुलना हुने कुनै पार्टी नभएको बताएका छन् । बिहिबार पार्टीको ललितपुर स्तरीय कार्यकर्ता भेला तथा प्रशिक्षणमा नेता पौडेलले सो कुरा गरेका हुन् ।
उनले एमालेसँग एक्लै प्रतिस्पर्धा गर्ने हैसियत नेपालका कुनै राजनीतिक दलसँग नरहेको पनि बताए । नेपालको राजनीतिमा एमाले नामको यस्तो पार्टीको उदय भएको छ, जसको विचारसँग कुनै पार्टीको विचारको तुलना नै नहुने पनि बताए ।
उनले भने – ‘एमाले नामको पार्टीले यस्तो शक्ति निर्माण गर्यो कि यसका विरुद्धमा चुनाव लड्ने दुई खुट्टाले टेकेको पार्टी नेपाल नामको धर्तीमा देखिएन । एमालेका विरुद्धमा चुनाव लड्ने मात्र होइन, नोमिनेसन गर्ने आँट भएको पार्टी पनि नेपालमा छैन । आजको यथार्थ यही हो ।’
प्रतिक्रिया दिनुहोस्
