काठमाडौं । गएरातिको अविरल बर्षाले काठमाडौंका विभिन्न स्थान डुबानमा परेको छ । बर्षाका कारण काठमाडौंको काँडाघारीस्थित प्रहरी प्रभागको भवन पनि डुबानमा परेको छ ।
भवनको एक तलाको सबै भाग डुबानमा परेको जनाइएको छ । बाढीका कारण प्रहरी कार्यालयमा भएको खाद्यान्न, फर्निचर, लत्ताकपडा, भान्साका सामान बगाएको प्रहरी परिसर काठमाडौंले बताएको छ ।
यस्तै बाढीले कार्यालयसँगै पार्किङमा राखिएका तीन मोटरसाइकल पनि बगाएको छ । बाढीका कारण सोही क्षेत्रमा कम्प्युटर, इन्टरनेटलगायत सेवा अवरुद्ध भएको छ ।
प्रतिक्रिया दिनुहोस्
