काठमाडौं । फिल्म ‘बाहुबली’ का चर्चामा आएका अभिनेता राणा दग्गुबतीले इन्स्टाग्रामबाट आफ्नो तस्बिरहरु फालेका छन् । भारतिय मिडियाका अनुसार उनले एकाउन्ट नफाले पनि त्यहाँ भएका भिडियो र तस्बिर सबै फालेका हुन् ।
उनले सामाजिक सञ्जालबाट ब्रेक लिने भन्दै आफ्नो इन्स्टाग्राममा भएका सबै पोस्ट डिलिट गरेका हुन् । उनले इन्स्टाग्राममा ३ सय ७० जनालाई फलो गरेका छन् । उनका ४ मिलियन भन्दा बढी फलोअर्स समेत रहेका छन् ।
उनको यस्तो कदमले उनका फ्यानहरु चकित परेका छन् ।आफ्नो पढाई पूरा गरेपछि उनले हैदराबादमा आफ्नो बुबाको प्रोडक्सन हाउसलाई सम्हाल्न थालेका थिए ।
उनले २०१० को राजनीतिक थ्रिलर फिल्म ‘लिडर’ बाट आफ्नो फिल्मी करियर सुरू गरेका थिए । कोनिक इन्स्टिच्युट अफ इमेजिङ एन्ड टेक्नोलोजीबाट फोटोग्राफीको कोर्स समेत गरेका उनले धेरै तमिल फिल्ममा काम गर्दै आएका छन् ।
प्रतिक्रिया दिनुहोस्
